La nada y tú 0.0/5 puntos (0 votos)

Cuando por ti venga la muerte

vendrá de la to mano, ciega,

guiándo-y los pasos un feble dolor.

Será como vistir de fiesta,

paxellu nuevu de domingo

que nun serás a quitar ya

Verás un rostru nel espeyu,

solombra escuro de la muerte,

y tú nun vas saber quién ye.

Nada habrá ente la nada y tu.

Anuncia un tiempu de derrota.

Pa qué preguntes, nun apielles

que naide habrá que te respuenda.

Mañana vas salir tan ceu

que nun oirás la voz de l´alba

que grita, llama y te xuxuria.

Mañana vas salir tan ceu

que nun oirás la voz de l´alba

que llora por ti y t´apodera

Nada habrá ente la nada y tu

Dejar un comentario

Tu dirección de correo electrónico no será publicada. Los campos obligatorios están marcados con *